Corredora

Genet Mullugueta naceu nunha aldea de North Wolloh en Etiopía. Dende noviña o que máis lle gustaba era correr e correr polo ventre da montaña. Mais a fame, a guerra e a figura do pai obrígana a acompañar a súa nai e a pedir esmola polas rúas inseguras e caóticas de Addis Abeba. Alí, vendendo panos nos cruzamentos, Genet coñeceu a Abebe, un médico e voluntario da federación de atletismo que, sorprendido coa súa resistencia e velocidade, lle propón adestrar en Meskel Square. Dende entón, a súa vida mudará, como a doutras nenas, mozas e mulleres etíopes que corren contra si mesmas sen fin.

Corredora é unha historia colectiva de superación deportiva. Recolle a tradición atlética de Etiopía na busca activa de talentos entre as crianzas do rural ou empobrecidas nas cidades

Ficha de lectura

Web da autora

María Solar veu para falarnos de Os nenos da variola

Ver la galería

Hoxe María Solar veu falarnos dun acontecemento científico de enorme relevancia, o traslado da vacina da vaiola polo mundo desde España. Como bióloga sabe moi ben do que está a falar, como divulgadora non entende que non se lle dera publicidade e homenaxe aos rapaces que participaron na expedición Balmis grazas aos que a vacina chegou ás Américas primeiro e logo extendeuse por outras partes do mundo. Esa enfermidade tan mortífera que os colonos levaramos ao novo mundo e que logo erradicamos, unha mostra de cooperación internacional que saíu da nosa terra, agora que tantos esforzos se están a facer ao redor do mundo.
Nótaselle a María que é unha gran comunicadora, mantivo aos rapaces có corazón encollido cando falaba dos efectos da enfermidade e cómo ela tentou achegar a cara persoal, a historia pequena, o rostro dos nenos desta gran xesta médica, social e solidaria.
Unha mágoa que estivera tan pouco tempo, pois está enfrascada nun roteiro de visitas por centros escolares a fume de carozo pero lle agradecemos á editorial Anaya/Xerais e a súa representante Isabel Armesto que tivera un ratiño para disfrutar con ela.

Obras da autora na nosa biblioteca.

Pantasmas de Papel no Salón do Libro de Pontevedra

O vindeiro 13 de abril estaremos no Salón do Libro en Pontevedra onde disfrutaremos da compaña de autores como:

Ledicia Costas

María Reimóndez

Fran Alonso

Tamara Andrés

Anxo Fariña

De algún deles temos fondos na biblioteca pero outros son novidade polo que vos traemos material para ir tomando contacto:

Usha

Uxía, Usha para os seus amigos, escribe o relato da súa estancia en Devastana, unha vila do estado de Karnata, na India. A rapaza galega, que acompañaba a súa nai, membro dunha ONG, rememora a vida cotián da súa escola india. Alí amigou con Lakshmi e Deepak, aprendeu canarés, coñeceu novos costumes e lendas, enfrontouse con dificultades imprevistas e, sobre todo, cunha nova visión da vida, ata entón, descoñecida para ela. Usha aprendeu na India que alí o seu nome significa a primeira luz do mencer. Nunca o esquecerá.

Usha, novela escrita por María Reimóndez e ilustrada por Ivñan Sende, é un portelo aberto para que os lectores galegos mozos poidan enchouparse da cultura e da visión da vida dunha comunidade popular da India. 

Unha novela emocionante que interroga e interesa ao lector sobre unha realidade cultural que a maior parte descoñece.

Ficha da obra en Xerais