O Club de lectura Pantasmas de Papel do IES Fernando Esquío é o lugar onde queremos comentar, suxerir, alentar e compartir os libros que nos gustan....Animádevos e deixade os vosos comentarios "en cualquier lengua!"

25 de mayo de 2017

Vicente Araguas e a poética de Bob Dylan


Neste mes das letras, además da poesía de Raúl Vacas tamén contamos co noso escritor local para presentarnos a súa última aportación literaria: La poética de Bob Dylan.
Ademais da presentación da obra, de escoitar e ver ao compositor nuns videos e comentar a súa biografía, obra e falarnos da concesión do Premio Nobel de Literatura, Vicente Araguas desgranou vivencias da súa xuventude en Neda e os seus inicios na literatura e a música, ambas mostras excepcionais das artes.... no ano das artes nas bibliotecas escolares
Todo un luxo, gracias Vicente por achegar aos nosos alumnos a súa sabedoría e facernos disfrutar da música e a poesía con Bob Dylan

16 de mayo de 2017

Homenaxe a Carlos Casares: Vento Ferido


Carlos Casares Mouriño naceu no ano 1941 en Ourense, pero ao pouco tempo a familia estableceuse en Xinzo de Limia, onde seu pai tomara praza de mestre. Tanto Ourense como Xinzo deixarían unha fonda pegada na súa obra.
Comezou a súa carreira literaria moi novo, publicando en 1965 os seus primeiros relatos na revista Grial, da editorial Galaxia.
Casares foi colaborador habitual na prensa galega, e a súa traxectoria foi adornada con diversos premios que recoñeceron a importancia da súa obra e a súa influencia na literatura galega.

Nos distintos contos que forman Vento Ferido móstranse diferentes temáticas: a infancia perdida, o desamor, a soidade da vellez, a crueldade dos nenos, a violencia, a monotonía ou a fatalidade do destino.

"Por moito que intentemos escapar do pasado, dun xeito ou outro, este sempre volve a nós. Isto é o que lle ocorre a Milo, un rapaz de 23 anos que debe regresar á súa vila natal anos despois de escapar dela. Á súa volta descubrirá que tivo motivos máis que suficientes para marchar, e o que parecía un grato reencontro coa familia e os amigos, convertirase nun día que xamais esquecerá, no que as fantasmas do pasado non pasarán desapercibidas."


Boletín de agasallo

15 de mayo de 2017

Homenaxe a Carlos Casares: Un polbo xigante



Un home rememora o episodio que marcou a súa infancia: a desaparición do criado Nicolás mentres os dous pescaban, arrastrado ao fondo do mar por un mítico polbo xigante. Nun primeiro momento, o rapaz cre o que lle conta a Delfina: que o polbo non é outro que o xastre de Agüeiros, amante da troula, reencarnado e en busca que compañeiros de festa. 
Co tempo, e tras moito debate con Delfina, o mozo deixará de crer a historia… ou non de todo.

12 de mayo de 2017

Raúl Vacas. Poeta da A ao Z...



O venres foi un día moi productivo, ademais de celebrar o Día Escolar das Matemáticas tivemos o pracer de contar coa visita de Raúl Vacas Polo, poeta salmantino có que atopamos a funcionalidade da poesía, según as súas palabras, "cando era rapaz e tiña algún problema desafogaba escribindo... así miña nai aforrou en psicólogos". Xogando coas palabras presentounos as súas obras acompañado da súa maleta chea de artiluxios... 
Moitas grazas por voltar a Neda cada vez que pasea por Galicia e prometer aprender a nosa língua da que está namorado pola súa sonoridade en palabras como brétema, vagalume...