Derradeira sesión cos adultos

Como ven sendo habitual, a derradeira sesión do grupo de adultos a fixemos diante do mantel nun local fantástico con vistas á ría de Ferrol, nesta foto estamos na sobremesa enriba do pantalán do Nautic en A Graña, cos rapaces levamos uns xelados, a ver se non se celan.
Establecimos os intereses para o novo curso e fixemos análise e recapitulación das lecturas do curso.

Moitas grazas aos asistentes, botamos en falta a tres que non puideron vir, 

e cargade as pilas para o curso que ven.

Estudo sobre os Clubs de lectura na ESO en Galicia

O curso pasado desde Consellería de Educación, Universidade e Formación Profesional, a través da Dirección Xeral de Centros e Recursos Humanos /Asesoría de bibliotecas se nos solicitou a nosa participación nun estudo cualitativo sobre a lectura e os clubs de lectura.

Levamos desde o inicio das convocatorias, co club de lectura e foi unha honra que nos tiveran en conta para esta proposta. Mediante grupos de discusión Julio Ábalos e Eduardo Estevez, establecían ides para falar e establecendo un clima de dialogo moi cómodo, tanto os rapaces nunha primeira sesión, como os adultos na seguinte, falaron do impacto que tivo a lectura e o club, en concreto, na súa andaina como persoa.

O venres 7 na Xornada dos Clubs de lectura se nos presentou o a versión pre-publicación para que o coñezamos. Supón un bo punto de partida para analizar o que estamos a facer e tamén nos serve para mellorar o noso traballo.

Moitas grazas aos nosos clubeiros pola súa dispoñibilidade a prestarse como cobayas do estudo e aos seleccionadores por ter pensado en nos, agora nos queda ler este documento:

• ESTUDO: CLUBS, LECTORAS E LECTORES NO ENSINO SECUNDARIO DE GALICIA (introdución, estudo de José A. Millán e informe dos clubs de lectura do curso 2017/2018)

Homenaxe a Xabier P. Docampo no aniversario do seu pasamento

Nos tamén nos sumamos ao homenaxe ao autor que se lle fará o martes día 4 desde a BMP Ánxel Casal de Santiago. Imos ler algunha das obras de Xabier P Docampo, tanto da selección que temos na biblioteca como as que están dispoñibles na Biblioteca Virtual Galega e mesmo a súa autobiografía pois xa fai un ano que non está connosco.

A chave das noces

A viaxe de purpurina ou a historia dunha pinga dauga

Cun ollo aberto e outro sen cerrar

Estampado!

O misterio das badaladas

Vídeos:

A máscara (Contos de máscaras, rúas, perdicións e caníbales)