O Club de lectura Pantasmas de Papel do IES Fernando Esquío é o lugar onde queremos comentar, suxerir, alentar e compartir os libros que nos gustan....Animádevos e deixade os vosos comentarios "en cualquier lengua!"

29 de mayo de 2009

A illa do tesouro



Se a "Isla del Tesoro" do escocés Robert Louis Stevenson non tivese existido os piratas non terían a pata de pau nin cantarían aquilo de "ron, ron, unha botella de ron". Tampouco repousaría sobre o seu ombreiro ningún loro paroleiro nin lles agardaría nunha ningunha illa perdida un tesouro escondido. Todos estes mitos que forman a medula ósea das historias de piratas tiveron o seu bautismo na obra de R.L. Stevenson, que ademais de ser unha das mellores novelas de aventuras de todos os tempos debuxou o perfil do pirata literario máis famoso, o temible e enxeñoso Long John Silver. O libro foi escrito hai tanto tempo que xa circula a súa obra por Internet libre de dereitos de autor,e incluso en versión de banda deseñada como tedes abaixo... a pesar do cal as aventuras que relata seguen sendo emocionantes.

Á pousada do almirante Benbow, chega un pirata que se fai chamar Capitán e leva un misterioso cofre. O pirata morre e Jim, o fillo do posadero, descobre un mapa no cofre. É o mapa do tesouro do capitán Flint, escondido nunha illa. Nunha bonita goleta, La Hispaniola, Jim e un grupo de piratas comezan a travesía en busca da "Isla del Tesoro". A novela narra, ademais dunha viaxe en busca do tesouro de Flint, a evolución de Jim, un orfo desamparado que chega a converterse nun auténtico home.

25 de mayo de 2009

O señor Ibrahim e as flores do Corán


Unha mañá, antes de marchar para o instituto, meu pai dixérame:
–Moisés, non o entendo... Faltan cartos... a partir de agora, escribirás no caderno da cociña todo o que gastas na compra.Así que, non bastaba con que me reprenderan tanto no instituto coma na casa, con lavar, estudar, cociñar e facer os recados, non bastaba con vivir só nun gran piso escuro, baleiro e sen cariño, con ser escravo máis ca o fillo dun avogado sen casos e sen muller, senón que tiña que pasar por ladrón! Pois xa que era sospeitoso de roubar, mellor facelo.


Momo é un adolescente xudeu, desorientado e orfo de agarimo. Ibrahim é un tendeiro musulmán, de carácter reflexivo e pausado, cunha visión da vida marcada pola perspectiva e a experiencia dos anos. Dous habitantes solitarios da rúa Azul, no París dos anos 60, que traban unha entrañable amizade que trascende as súas respectivas crenzas. Un aporta vitalidade, o outro sabedoría...
Máis que unha novela, trátase dun texto iniciático que apela ao multiculturalismo, a tolerancia e o entendemento entre iguais. A súa lectura reconforta e afortala a nosa confianza na especie humana. Partindo dunha relación pseudo-paternofilial entre os protagonistas, este relato sinxelo e áxil ábrenos a porta a unha reflexión esperanzadora sobre o futuro do mundo no que vivimos.

Se queres podes entrar na páxina oficial do autor e visionar a versión cinematográfica da novela.

3 de mayo de 2009

Marcabrú y la hoguera de hielo


Emili Teixidor ambienta a súa novela a inicios do século XIII, na infancia do Jaime I e durante a cruzada albixense Na novela tamén noméanse personaxes históricos como Simón de Montfort, Pedro II e Ramón Roger Trencavel.
Marcabrú é un xograr principiante cuns once anos que percorre o mundo xunto cos xograres "El Ciego de Cabrera", "El Caballero Salvaje" e "La Soldadera", a cal se chama Matilde. O está aprendendo o oficio de xograr e é o guía do Cego de Cabreira, que é o seu mestre.
A historia comeza cando os catro xograres, xunto con outro que se xuntou recentemente chamado El Imitador de paxaros, cunha incrible habilidade para imitar a estes animais, chegan ao castelo do vizconde de Peguera, quen os trata moi ben e lles regala un xibón de armiño e perlas por actuar. Os xograres vanse por un camiño afastándose do castelo cando se decatan de que o Imitador de Paxaros desapareceu. O Cego de Cabreira oe o canto dunha bubela, que é o canto que o Imitador de Paxaros utilizaba para advertir do perigo. Entón dille a Marcabrú que fuxa e o Cego de Cabreira, La Soldadera e El Caballero Salvaje son capturados por homes do vizconde de Peguera, o cal lles regalara o xibón para quitalo despois...

O autor nos conta a súa razón de escribir.
Entrevistas có autor
Trucos para que os rapaces lean.
Si lees quedas maldito.
Si o enlace da presentación no funciona, preme aquí.