La sombra del viento

 
O Cemiterio dos Libros Esquecidos, o cuarteto de novelas que arrinca coa Sombra do Vento e segue co Xogo do Anxo, converteuse na gran saga novelística en curso do noso tempo. 

A lenda comezaba no ano 2000, cando Ruiz  Zafón culminaba a súa primeira novela para adultos e estaba a piques de dar a coñecer un libro máxico que cambiaría o panorama literario, e que hoxe segue gañando o corazón de miles de lectores en todo o mundo. Un amencer de 1945, un raparigo é conducido polo seu pai a un misterioso lugar oculto no corazón da cidade vella: O Cemiterio dos Libros Esquecidos. Alí, Daniel Sempere atopa un libro maldito que cambia o rumbo da súa vida e arrástralle a un labirinto de intrigas e segredos enterrados na alma escura da cidade.

Recensión en The Huffington Post

Web oficial

Entrevista con Carlos Ruíz Zafón en RT e en PáginaDos de RTVE

O corazón de Xúpiter

Non foi doado para Isla mudar de cidade e empezar de cero nun novo instituto. Devecía por dar un paseo polo espazo, avistando planetas a través do telescopio, mergullada no ventre do universo. Casiopea, o nome da tartaruga máxica de Momo, era o nick que empregaba nos foros sobre astronomía nos que participaba adoito. Alí coñeceu a Xúpiter, alguén que semellaba saber moito de estrelas. As longas conversas até ben entrada a madrugada prenderan unha luz, entre os dous existía unha maxia que traspasaba as fronteiras do ciberespazo. Isla sentiu a necesidade de sabelo todo sobre Xúpiter: onde vivía, a que instituto ía, o seu nome real… Quedaron para se coñecer nunha noite de San Xoán de cacharelas e mar embravecido. Foi entón, despois de despedirse da súa amiga Mar, cando Isla se precipitou na escuridade. A súa vida estaba a piques de cambiar para sempre.

Lamentablemente os temas que inclúe a novela non son alleos á mocidade nos institutos hoxe día: acoso escolar, adolescencia, amizade, amor, delincuencia ou internet.

Esta obra levou o Premio Neira Vilas ao Libro Infantil e Xuvenil 2012 e o Premio Asoc. de Escritores en Lingua Galega (Infantil/Xuvenil), 2012.

O corazón de Xúpiter! from SonCine on Vimeo.

Misterios romanos: Ladrones en el foro

Ano 79 d.C. Flavia Gémina, filla dun mariño romano, está a piques de vivir unha emocionante aventura. Ao investigar o paradoiro dun anel que leva o selo do seu pai, Flavia coñece a Jonatán, un neno xudeu, a Nubia, unha nena escrava africana, e a Lupo, o pequeno esmoleiro mudo. A partir de entón, os catro novos amigos comezarán as pescudas para resolver a misteriosa morte duns cans, percorrendo xuntos o foro, a necrópole romana e o porto de Ostia, e o que é mellor, converteranse en moi bos amigos.

Con este primeiro volume comeza a serie  Misterios Romanos, protagonizada por Flavia Gémina e a súa cuadrilla, que ademais de ofrecer  aos lectores entretidas historias de detectives contaranlles como era a vida na antiga Roma.

Outros Misterios Romanos

O gardián invisible

Dolores Redondo Meira, unha autora navarra de ascendencia galega, constrúe en O gardián invisible, a súa segunda novela, un thriller orixinalísimo onde se mestura a investigación policial e científica co suspense e coa mitoloxía das lendas navarras.

«Ainhoa Elizasu foi a segunda vítima do Basajaun, aínda que entón a prensa aínda non o chamaba así. Foi un pouco máis tarde cando transcendeu que ao redor dos cadáveres aparecían pelos de animal, restos de pel e rastros dubidosamente humanos, unidos a unha especie de fúnebre cerimonia de purificación. Unha forza maligna, telúrica e ancestral parecía marcar os corpos daquelas case nenas coa roupa rachada, a lanuxe púbico rasurado e as mans dispostas en actitude virginal.» 

 Nas marxes do río Baztan, no val de Navarra, aparece o corpo espido dunha adolescente nunhas circunstancias que o poñen en relación cun asasinato ocorrido nos arredores un mes atrás. A inspectora da sección de homicidios da Policía Foral, Amaia Salazar, será a encargada de dirixir unha investigación que a levará devolta a Elizondo, unha pequena poboación de onde é orixinaria e da que tratou dehuir toda a súa vida. Enfrontada coas cada vez máis complicadas derivacións do caso e cos seus propios pantasmas familiares, a investigación de Amaia é unha carreira contrarreloxo para dar cun asasino que pode mostrar o rostro máis aterrador dunha realidade brutal á vez que convocar aos seres máis inquietantes das lendas do Norte.

Web oficial da autora.

 

El cuaderno de Aroa

Josan pasa as vacacións de verán co seu avó nun hotel da costa. Mentres trata de planificar o futuro inmediato, dedica o seu tempo para ler libros de filosofía e a interrogarse sobre o divino e o humano.
Durante unha sesta errada, atopa baixo o colchón da súa cama un diario como os que gardaba a súa avoa da súa infancia. Sobre as tapas de coiro, alguén escribiu con purpurina prateada: DIARIO DE AROHA.
Fascinado con este achado, Josan pasa os días seguintes lendo o diario dunha moza que, a piques de cumprir os dezaoito, di odiar aos seus adiñeirados pais e todo o que eles dispuxeron para a súa vida. Dentro do diario, Josan atopa unha fotografía. Detrás dela, Aroha escribiu: «Búscame e atoparasche»

Reseña en El Templo de las mil puertas
Web persoal do autor
Comeza a ler