O Club de lectura Pantasmas de Papel do IES Fernando Esquío é o lugar onde queremos comentar, suxerir, alentar e compartir os libros que nos gustan....Animádevos e deixade os vosos comentarios "en cualquier lengua!"

24 de mayo de 2022

O último barco


A filla do doutor Andrade vive nunha casa pintada de azul, nun lugar onde as praias de ondas mansas contrastan co bulir da outra beira. Alí, as mariscadoras pescudan na area, os mariñeiros botan os aparellos á auga e os que van traballar á cidade agardan no peirao a chegada do barco que cruza cada media hora a ría de Vigo. Unha mañá de outono, mentres a costa galega se recupera dos estragos dun temporal, o inspector Caldas recibe a visita dun home alarmado pola ausencia da súa filla, que non se presentou a un xantar coa familia na fin de semana nin acudiu o luns a impartir a súa clase de cerámica na Escola de Artes e Oficios. E, aínda que nada pareza alterado na casa nin na vida de Mónica Andrade, Leo Caldas axiña ha comprobar que na vida, coma no mar, a máis apracible das superficies pode agochar un fondo escuro de correntes devastadoras.

Lembramos a Domingo Villar que nos deixou fai uns días nas entradas de varios medios sobre o seu pasamento:

The Objective, Librujula, ABC.

Preme na imaxe para ver a entrevista en Página2

Tentaremos achegarnos ás localizacións da novela nun roteiro para rendirlle unha homenaxe.

By Davila

A creación literaria e os seus autores. Encontros con escritores. Domingo Vilar from CFR Coruña on Vimeo.

No hay comentarios: