Chamando ás portas do ceo

Desde o Club de lectura Arao no IES Pedra da Guía chéganos esta obra de Jordi Sierra i Fabra outro dos nosos clásicos mooi queridos na nosa biblioteca, e non só nos prestan as obras senón tamén empregamos o seu GLOSTER.

Moitas Grazas aos compoñentes do club e a Emilio!!!

Silvia, estudante de Medicina, marcha á India para traballar como cooperante durante o verán nun hospital situado nun perdido lugar do mundo. Ao facelo, enfrontáse cos seus pais e co seu noivo, e toma así, seguindo o seu instinto e o seu corazón, unha decisión que cambiará a súa vida e a súa forma de pensar. Na India coñecerá a dor e o sufrimento dos que non teñen nada, pero tamén a alegría e a paz da súa conciencia, e vivirá a cabalo non de dous, senón de tres mundos: por un lado Arturo, que a espera en España; por outro Leo, o médico, cooperante coma ela, capaz de renunciar a todo por estar alí; e, finalmente, Mahendra, o hindú que garda o máis doloroso dos segredos e que a introducirá nun novo horizonte sen fronteiras.